Divādayo

103.

Divu kīlā vijigiṃsā vohārajjuti thomite,

Sivu tantūnasantāne khī khaye khā pakāsane;

104.

Kā-gā sadde (pi) ghā gandho’pādāne ruca rocane,

Kaca dityaṃ muca moce (atho) vica vivecane;

105.

Rañja rāge sañja saṅge khalane majja suddhiyaṃ,

Yujo samādhimhi lujo vināse jhā vicintane;

106.

Tā pālane chidi dvedhākāre mida sinehane,

Madu’mmāde khida dīnabhāve bhida vidāraṇe;

107.

Sida pāke padagate vida sattā vicintane,

Dī khaye supane dā (ca) dāne dātva’vakhaṇḍane;

108.

Budhā’vagamanā’dīsu atthesu yudha yujjhane,

Kudha kope sudha soce rādha hiṃsāya siddhiyaṃ;

109.

Idha saṃsiddhivuddhīsu sidha-sādha (ca) siddhiyaṃ,

Vidha vedhe gidha gedhe rudhi āvaraṇā’disu;

110.

Mana ñāṇe janu’ppāde hana hiṃsāgatīsu (pi,)

Sinā soce kupa kope tapa santāpa pīṇane;

111.

Lupacchede rupa nāse pakāse dipa dittiyaṃ,

Dapa hāse labha lābhe lubha gedhe khubho cale;

112.

Samū’pasama khedesu hara-hirī (ca) lajjane,

Milā gattavīnāme (ca) gilā hāsakkhaye (pi ca;)

113.

Lī silese dravīkāre vā gatī bandhanesu (ca,)

Lisi lese tusa tose silisā’liṅganādisu;

114.

Kilisa kaliso’patāpe (atho) tasa pipāsane,

Rusa rose disa-dusa appītimhi (duve siyuṃ;)

115.

Yasuppayatane asu khepane (pi ca vattate,)

Susa sose bhasa adhopāte nasa adassane;

116. Sā’ssāde sā’vasāne (ca) sā tanūkaraṇe (pi ca) hā cāge muha vecitte naha sajjanabandhane naha soce pihicchāyaṃ siniha-saniha pītiyaṃ.